pieces

Информация

Дата регистрации

16.03.2010

Страна

US

О себе

MrJball211
The Coming of the Wee Malkies

"Haw missis, whit'll ye dae when the wee Malkies come,

If they dreep doon affy the wash-hoose dyke,

An pit the hems oan the sterrheid light,

An play wee heidies oan the clean close wa,

An bloter her windie in we da ba,

Missis, whit'll ye dae?

Whit'll ye dae when the wee Malkies come,

If they chap yir door an choke yir drains,

An caw the feet fae yir sapsy weans,

An tummle thur wulkies through yir sheets,

An tim thur ahes oot in the street,

Missis, whit'll ye dae?

Whit'll ye dae when the wee Malkies come,

If they chuck thur screwtaps doon the pan,

An stick the heid oan the sanitry man,

When ye hear thum shauchlin doon yir loaby,

Chanting, "Wee Malkies! The gemme's a bogey!"

Haw, missis, whit'll ye dae?"

Meet The DemomanNo information given.No information given.